المميزات

كل حاجة في المحل، من الباركود لحد صافي الربح

٩ أجزاء شغالين مع بعض: أي بيعة بتحرّك المخزن والخزنة والربح في نفس اللحظة.

الكاشير والبيع

بيعة في ٣ لمسات، من الموبايل أو الكمبيوتر.

امسح الباركود بكاميرا الموبايل أو بالقارئ، أو دوّر بالاسم. اعمل خصم لو مسموحلك، واقبل الفلوس كاش أو محفظة أو إنستاباي أو آجل، أو كذا طريقة في نفس الفاتورة.

كل التفاصيل

باركود بالكاميرا أو بالقارئ، والبحث بيفهم العربي والإنجليزي
دفع مقسوم: جزء كاش وجزء فودافون كاش وجزء آجل
تحذير لو بتبيع بأقل من التكلفة أو الكمية مش موجودة
عروض وباكدجات (موبايل + جراب + سكرينة) بسعر واحد
إيصال ٨٠ مللي يتطبع على طول
مرتجع وإلغاء بسبب، وكل حاجة متسجلة باسم اللي عملها

الأصناف والباركود

كل موبايل بألوانه ومساحاته، في صنف واحد مرتب.

ضيف الموبايل مرة واحدة واختار ألوانه ومساحاته، والسيستم يعمل كل الأنواع بأسعارها وباركوداتها. عندك شيت إكسل؟ ارفعه وخلاص.

كل التفاصيل

أنواع كاملة: لون × مساحة × أي خاصية تانية
استيراد من Excel أو CSV مع مراجعة قبل الحفظ
توليد باركود وطباعة ليبلات 38×25 و 50×30 و A4
تصنيفات وماركات تدوّر بيها بسرعة
متوسط تكلفة مرجّح بيتحسب لوحده مع كل شراء
أي تغيير في السعر بيتسجل: مين، إمتى، من كام لكام

المخزن والجرد

تعرف عندك إيه في كل فرع، بالظبط.

كل حركة بضاعة متسجلة: بيع، شرا، مرتجع، تحويل، تظبيط. الكمية عمرها ما بتتكتب بإيد، بتتحسب من الحركات، فمفيش حاجة بتختفي من غير ما تعرف.

كل التفاصيل

كمية كل صنف في كل فرع، وقيمة المخزن بالتكلفة
تحويل بضاعة بين الفروع بإرسال واستلام
جرد جماعي: كذا حد بيعدّ في نفس الوقت والأرقام بتتجمع لايف
تظبيط بسبب (تالف، ضايع، هدية) ومين عمله
إشعار لما صنف يقرب يخلص، وتقرير بالبضاعة الراكدة
سجل حركات كامل لكل صنف

المشتريات والموردين

اعرف البضاعة جاتلك بكام فعلاً.

سجّل فاتورة الشرا وضيف مصاريف الشحن والجمارك، والسيستم يوزعها على الأصناف حسب قيمتها. ادفع كامل أو جزء، وحساب المورد يتظبط لوحده.

كل التفاصيل

مصاريف إضافية بتتوزع على الأصناف (تكلفة واصلة)
دفع جزئي من الخزنة أو أي محفظة
كشف حساب لكل مورد: عليك كام وليك كام
مرتجع للمورد بنفس تكلفة الشرا
شرا كاش من غير مورد للحاجات السريعة
ضيف صنف جديد من جوه الفاتورة على طول

العملاء والآجل

الآجل من غير كشكول ولا نسيان.

كل عميل ليه حساب: اشترى إيه بالآجل، دفع إمتى، فاضل عليه كام. حط حد أقصى للآجل، والسيستم يوقف البيع لو عدّاه.

كل التفاصيل

حد آجل لكل عميل
تحصيل دفعة كاش أو محفظة وتتسجل على حسابه
كشف حساب واضح تبعته للعميل
تقرير أعمار الديون: مين متأخر ومن إمتى
الكاشير يدوّر على العميل بالاسم أو التليفون
سجل مشتريات كل عميل

الخزنة والمحافظ والورديات

كل جنيه في الدرج والمحافظ، محسوب.

سجّل الإيداع والسحب للعملاء على فودافون كاش واتصالات وأورنج ووي وإنستاباي. السيستم يحسب عمولتك ومصاريف الشبكة، والربح بيبان لوحده من غير ما يتلخبط مع فلوس العملاء.

كل التفاصيل