مش لاقي الزرار؟ اسأل.
اكتب سؤالك بالعامية أو بالإنجليزي، زي "إزاي أعمل مرتجع؟". المساعد بيدوّر في شرح موبيلات ويرد عليك بخطوات قصيرة، بأسامي الزراير زي ما هي على الشاشة، ومعاها لينك صفحة الشرح لو حابب تقرا أكتر.
مساء الخير يا محمود
اسأل عن أي حاجة في موبيلات
موبيلات AI ممكن يغلط.
المشكلة
موظف جديد مش عارف يعمل مرتجع، والزبون واقف. يكلمك وانت مش في المحل. وكل كام يوم نفس الأسئلة: الوردية بتتقفل إزاي؟ الموظف بيتضاف منين؟
اسأل بكلامك
سؤال بكلامك، ورد بخطوات.
مش لازم تعرف اسم الشاشة. اكتب زي ما بتكلم زميلك، والمساعد يفهم قصدك ويدوّر في الشرح بأسامي البرنامج، ويرد بخطوات مرقمة ولينك الصفحة. ولو سألته عن أرقامك، بيقولك تلاقيها فين.
جرّبها بنفسك
مساعد الـ AI
اسأل عن أي حاجة في موبيلات
اختار سؤال من فوق.
دوس على سؤال وشوف الرد. الردود متكتبة من صفحات الشرح للتوضيح بس.
على جهازك
نفس السؤال، وخطوات جهازك انت.
المساعد عارف انت فاتح من آيفون ولا أندرويد ولا كمبيوتر، ومن أنهي متصفح. فلما تسأل تنزّل التطبيق إزاي، بيديك خطوات جهازك بس، مش كل الطرق ورا بعض.
جرّبها بنفسك
فاتح من
إزاي أنزّل التطبيق؟
المساعد شايف:آيفون، Safariاختار جهاز وشوف الخطوات بتتغير. المساعد بيعرف جهازك لوحده، الزراير هنا للتوضيح بس.
جوّه الميزة
هتقدر تعمل إيه.
- بيرد بالمصري أو بالإنجليزي، زي ما انت كاتب
- خطوات مرقمة، وأسامي الزراير زي ما هي في البرنامج
- كل رد معاه لينك صفحة الشرح اللي جه منها
- عارف انت على آيفون ولا أندرويد ولا كمبيوتر، ويديك خطوات جهازك
- لو سؤالك ليه أكتر من معنى، بيسألك تقصد إيه
- محادثاتك بتتحفظ، وتقدر تثبّتها أو تغيّر اسمها أو تمسحها
تحت الغطا
تفاصيل بتفرق.
مش بيشوف بيانات محلك
بيشرح إزاي تستخدم البرنامج بس، ومش بيعمل أي حاجة في محلك. لو سألته بعت كام النهارده، هيقولك الرقم ده في أنهي صفحة.
بيرد من الشرح، مش بيألّف
قبل أي رد بيدوّر في صفحات شرح موبيلات. ولو ملقاش حاجة تجاوب سؤالك، بيقولك كده بدل ما يخترع زرار مش موجود.
توكنز لكل واحد
كل واحد في المحل ليه 250K توكن في الشهر، يعني حوالي 20 سؤال، وبيتجددوا أول كل شهر. ومحادثاتك ليك انت بس.
مين اللي بيستفيد
معمولة لمحلات زي محلك.
موظف لسه جديد
يسأل المساعد بدل ما يكلمك كل شوية.
انت مش في المحل
الكاشير يلاقي الخطوات بنفسه، والزبون ميستناش.
حاجة لسه مجربتهاش
جرد، تحويل بين الفروع، أو مرتبات: اسأل قبل ما تبدأ.
أسئلة
أسئلة بتتسأل كتير.
بيشوف مبيعاتي وفلوسي؟
لأ. بيشرح استخدام البرنامج بس، ومش بيشوف أي بيانات من محلك ولا بيعمل فيه حاجة.
ممكن يغلط؟
أحياناً. عشان كده كل رد معاه لينك صفحة الشرح تتأكد منها، وتقدر تقيّم الرد عشان نحسّنه.
ليه حد في الأسئلة؟
كل واحد ليه 250K توكن في الشهر، يعني حوالي 20 سؤال، وبيتجددوا أول الشهر. ولو خلصوا، باقي البرنامج شغال عادي.
ابدأ النهارده،
وبكرة تقفل اليوم وانت عارف كسبت كام.
كل المميزات شغالة من أول دقيقة، وكل موظفينك من غير ما تدفع زيادة.